Löggæsla á Suðurnesjum blæðir fyrir sérsveit ríkislögreglustjóra

Samkvæmt fjárlagafrumvarpi ársins 2008 lækkuðu fjárveitingar til lögreglustjórans á Suðurnesjum og sýslumannsins á Keflavíkurflugvelli um 3,3% en jukust um 11,9% hjá ríkislögreglustjóra. Í fjárlagafrumvarpinu er þetta skýrt með þessum orðum: "Fjárveiting (lögreglustjórans á Suðurnesjum) lækkar að raungildi um 58 m.kr. og skýrist að mestu af 51,9 m.kr. millifærslu til embættis ríkislögreglustjóra vegna sérsveitarmanna, eins og áður segir. Áform um almennt aðhald í rekstrarkostnaði skýrir afganginn".

Það er hlutverk ráðuneyta að forgangsraða verkefnum og sú forgangsröðun kemur fram með fjárlögum. Forgangsröðun dómsmálaráðuneytisins kemur hér skýrt fram.

Hagræðing, bætt stjórnsýsla og skýr ábyrgð

Athugasemdir

[Ari Guðmar Hallgrímsson, 28.3.2008 kl. 22:47]

Til að halda uppi gæluverkefni Björns Bjarnasonar  (ríkislögreglustjóra og sérsveit) eru aðrar deildir sveltar, það kallast aðhald í fjármálum

Kveðja

[Snorri Magnússon, 29.3.2008 kl. 00:14]

Og ráðuneytismenn, hver um annan þveran, keppast um að segja að fjárveitingarnar til embættisins séu þær sömu "að raungildi", sem í mínum huga þýðir þá að aukning eigi að verða á milli ára, ef tillit er tekið til einfaldra þátta eins og t.d. verðbóta, almennra launahækkana, verðlagshækkana o.s.frv. - eða hvað?